Summary of Taraweeh_1st
सुरह अल–फातिहा पवित्र कुरआनको पहिलो सुरह हो । यो सुरह वास्तवमा एउटा दुआ (प्रार्थना) हो जुन अल्लाहले आफ्ना भक्तहरूलाई सिकाएका छ्न ।

Summary of Taraweeh_1st

पहिलो तरावीह

कुरआनको पहिलो खण्ड सुरह अल फातिहाबाट सुरू हुन्छ । यस सुरहलाई उम्मुल किताब पनि भनिन्छ । पवित्र हदीसका अनुसार सुरह अल फातिहामा अल्लाह सर्वशक्तिमानले सबै किसीमका रोगहरू निको पार्ने गुण राखेका छन् ।  सुरह अल फातिहा बिस्मिल्लाहबाट सुरु हुन्छ । बिस्मिल्लाहको पठनबाट यो बताइएको छ कि हामीले  प्रत्येक काम अल्लाहको नामबाट सुरु गर्दछौं, जो अति दयालु तथा कृपालु छन् ।
शुरु अत्यन्त करुणामय, परम दयालु अल्लाहको नामबाट । सारा प्रशंसाहरू अल्लाहकै निम्ति छन् जो सम्पूर्ण जगत्का ‘रब’ हुन्;  जो अत्यन्तै करुणामय र परम दयालु छन्; जो बदला दिइने दिनका मालिक हुन् । हामी केवल तिम्रै उपासना गर्छौं र तिमीसित नै सहायता चाहन्छौं । हामीलाई सीधा मार्ग देखाऊ;  ती व्यक्तिहरूको मार्ग (देखाऊ) जो तिम्रा कृपापात्र भए; ती व्यक्तिहरूको मार्ग होइन जसमाथि तिम्रो प्रकोप भयो; न पथभ्रष्टहरूको मार्ग नै ।
सुरह अल–फातिहा पवित्र कुरआनको पहिलो सुरह हो । यो सुरह वास्तवमा एउटा दुआ (प्रार्थना) हो जुन अल्लाहले आफ्ना भक्तहरूलाई सिकाएका छ्न । यस प्रार्थनाको महानता र यसको स्वीकृति बारे पैगम्बर मुहम्मद (स.) को आदेशबाट अनुमान गर्न सकिन्छ । सहिह मुस्लिममा अबु हुरैरह (रजि.) बाट वर्णन गरिएको छ कि अल्लाहका संदेष्टाले भन्नुभयो कि अल्लाह भन्छन- “मैले नमाज, अर्थात सुरह अल–फातिहालाई आफू र भक्तहरु माझ दुई भागमा बाँडेको छु । जब मेरो भक्तले भन्छ कि सबै प्रशंसाहरु अल्लाहकै लागि छन् । संसारका सृष्टिकर्ता अल्लाह भन्छन् कि तब म भन्छु- मेरा भक्तले मेरो प्रशंसा गरे । जब भक्त मालिकि यौमिद्दीन भन्छन्, तब म भन्छु कि मेरो भक्तले मेरो महानता वर्णन गर्यो । जब मेरो भक्तले म संग सत्मार्गको निर्देशन माग्दछ, म भन्छु कि मेरो भक्तले जे माग्दछ, मैले उसलाई दिएँ ।
यसमा दुआ भन्दा पहिले ’दुआ’ को शिष्टाचार सिकाइएको छ र यसले यो पनि सिकाउँछ कि मानिसको सबैभन्दा ठूलो आवश्यकता भनेको सत्यको खोज गर्नु र उसले सीधा मार्गको अनुसरण गर्नु हो । तसर्थ अल्लाहको प्रशंसापछि यसैतर्फ ध्यानाकर्षण गराइएको छ कि मानिसको पहिलो चाहना भनेको सत्यमार्गको खोज, र त्यसको लागि प्रार्थना हो । अल्लाहको कृपाले जसले सत्यमार्गको तौफिक पाएका छन् तिनीहरु भाग्यशाली हुन् । यस सुरहमा यो पनि सिकाइएको छ कि केवल अल्लाह मात्र पूजायोग्य छन् । सबै प्रकारको मद्दतको लागि उहाँबाट नै सहयोग माग्नु पर्दछ । उनी बाहेक अरु कसै संग मद्दत माग्नु जायज छैन । अगाडि सत्य मार्गको अधिक व्याख्या गर्दै यो भनिएको छ कि सत्यमार्ग भनेको संदेष्टा तथा धर्मी व्यक्तिहरुको मार्गलाई जनाउँछ । यी नै ती मानिसहरू हुन् जुन अल्लाहको इनामका योग्य छन् । फेरी अगाडी अल्लाहको क्रोध भएका  यहूदीहरू र इसाईहरूको मार्गबाट अल्लाहसंग शरण मागिएको छ । अल्लाहले हामी सबैलाई उहाँको निर्देशित भक्तहरूमा सामेल गरुन । आमिन

सुरह अल–बकरह हिजरतपछि अवतरण हुने सबैभन्दा लामो सुरहहरूमध्ये एक हो । यसका केही पदहरू हिजरत अगाडि नै अवतरित भइसकेका थिए । सुरह अल बकरह प्रार्थनाको स्वीकृतिको घोषणाको साथ शुरू भएको छ । त्यो यो कि जुन सत्यमार्गको प्रार्थना तिमीले गरेका थियौ जसको अनुसरण गर्नेहरू अल्लाहको इनामको भागिदार हुनेछ त्यस सत्यमार्गको संग्रह यो कुरआन हो । जसमा कुनै किसीमको संदेह छैन । जस कसैले यसलाई समात्छ र यसै अनुरूप जिवनयापन गर्दछ तिनीहरू नै वास्तविक सफलता प्राप्त गर्नेछन् ।
मदनी युगमा विपक्षीहरूको नयाँ समूह कपटीहरू (मुनाफिकहरु) पनि थिए । तसर्थ, अल्लाहले मुस्लिमहरूलाई उनीहरूको नैतिकताबारे पनि सचेत गराउँदै भने कि तिनीहरू यो सोच्दछन् कि उनीहरु अल्लाह र उसको संदेष्टालाई धोका दिइरहेका छन, जबकि सत्यता यो हो कि तिनीहरू आफैंलाई धोका दिइरहेका छन् । अन्तमा उनीहरूका लागि कष्टदायी सजाय रहेको कुरा उल्लेख गरिएको छ ।
अगाडि आम मानिसहरूलाई एउटै ईश्वरको पूजा गर्न दावत अर्थात निमन्त्रणा दिइएको छ, र संसारका सृष्टिकर्ता अल्लाहको उपकारहरूको सम्झना गराइएको छ । अगाडी ती मानिसहरूलाई जो कुरआन र संदेष्टाहरुको बारेमा शंकामा थिए तिनीहरुलाइ चुनौती दिइएको छ कि यदि तिमीहरु वास्तवमा शंकामा छौ भने, आफ्नो सबै सहयोगीहरुलाई बोलाउ र उनीहरुको सहयोगले कुरआन जस्तै सानो सुरह बनाएर ल्याउ । त्यसपछि यो पनि भनियो कि तिमिहरु यो कदापी गर्न सक्नेछैनौ ।
आदम र हव्वा को सृष्टिको घटना बयान गरेर मानव सृष्टिको उद्देश्य पनि स्पष्ट पारियो कि मानव पृथ्वीमा खलीफा हो । यस महान उद्देश्यको निम्ती, अल्लाहले आदमलाइ सबै शिक्षाहरु प्रदान गरे साथै मानवलाई सूचित गरिएको छ कि शैतान तिमीहरुको खुला दुश्मन (शत्रु) हो । उसबाट सँधै सावधान रहनु ।
यसभन्दा पहिलेका उम्मतहरुका तुलनामा इस्राइलका सन्तानहरूको श्रेष्ठताको इतिहासको वर्णन गरी मुस्लिमहरुलाई आफुमाथि  विचार गर्न निमन्त्रणा दिएको छ । शफाअतको गलत आस्थालाइ अवैध घोषणा गरेको छ । किन भने त्यसमा परेर मानिसहरू असल कार्य गर्न छोडछन जसका प्रभावहरू कुकर्म र गुमराहको रूपमा प्रकट हुन्छ ।
मुस्लिमहरुलाई सल्लाह दिएको छ कि तिमीहरु एकाग्र भइ प्रार्थना गर्ने  गर तथा जकात देउ । र यहुदि तथा इसाइहरुबारे मुस्लिमहरुलाइ निर्देशन दिँदै भनिएको छ कि तिनीहरुको धर्म अपनायो भए पनि तिनीहरु कहिल्यै तिमी संग खुशी हुँदैनन्, त्यसैले उनीहरूलाई खुशी पार्ने चिन्ता नगर ।
इमामातको स्थानबाट इस्राइलका सन्तानहरूलाई हटाएर, मुहम्मद (स.) को उम्मतलाइ इमामतको पदको घोषणा गरियो । र त्यसको चर्चा इब्राहिम (अ.) को उल्लेखबाट शुरू भयो । यो पनि स्पष्ट गरियो कि इमामत तथा उत्तराधिकारीको अधिकार पैतृक होईन कि तिमी त्यसको योग्य छौ वा छैनौ, यो तिमीलाइ मिल्नेछ । बरु, यो प्रतिज्ञा केवल इब्राहीमको सन्तानमा तिनीहरुको लागि हो जो धर्मी तथा यसको योग्य छन । अत्याचारीहरू र अनाज्ञाकारीहरू यसको कहिल्यै योग्य हुँदैनन्।
आस्थावानहरूको लागि भोजनको प्रावधानको लागि प्रार्थनाको जवाफमा अल्लाहले स्पष्ट गरे कि जहाँसम्म आहारको सवाल छ, म अत्याचारीहरू र अनाज्ञाकारीहरूलाई सासांरीक जिवनको भोजन अवश्य दिनेछु तर आखिरतमा तिनीहरूका लागि पीडादायी यातना रहेका छ ।
यस अवसरमा, हजरत इब्राहिम (अ.) ले एउटा यस्तो रसुलको अवतरणको लागि दुआ गर्नुभयो जसले कुरआन र बुद्धिमता सिकाउन् र मानिसहरूलाई शुद्ध गरुन । अल्लाहले यस दुआ (प्रार्थना) लाई स्वीकार गरे र अन्तमा अन्तिम पैगम्बर मुहम्मद (स.) लाइ पठाए ।
इब्राहिम र याकूब (अ.) को एकेश्वरवादको उल्लेख गर्दै भनियो कि इब्राहिम र याकुबको शिक्षालाइ याद गर कि तिनीहरुले कसरी आफना संतानहरुलाइ शिर्क अनेकेशवरवादबाट रोकेका थिए यदि तिमी आफुलाई इब्राहीमी भन्छौ भने किन शिर्क गर्छाै ?
अल्लाहको रंग ग्रहण गर, निश्चित रुपमा सबभन्दा उत्तम रंग अल्लाहको रंग हो ।
अंतमा शहदते हक (सत्यको साक्षी) र तौहीद (एकेशवरवाद) को सन्देश आम मानिससम्म पु¥याउने कर्तव्यको बोध गराउँदैे भनिएको छ- र, अल्लाहबाट प्राप्त ‘साक्षी’ लुकाउने व्यक्तिभन्दा ठूलो अत्याचारी अरू को होला ?

DiscoverIslamNp

DiscoverIslamNP is specifically for Islamic education. The best way to provide authentic Islamic education through DiscoverIslamNP is to adapt to the will of Islam. The main goal of this site is to quench the thirst for Islamic knowledge and offer the right solution to various religious Problems.

Leave a Reply