के प्राकृतिक शक्तिहरु ईश्वर हुन सक्छन् ?

के प्राकृतिक शक्तिहरु ईश्वर हुन सक्छन् ?

प्रश्नः केही मानिसहरु सुर्य, चन्द्रमा, हवा, पानी र आगोको पूजा यस कारणले गर्दछन् कि यिनीहरुमाहामीलाई चकित पार्ने शक्तिहरु छन् । के त्यसको पूजा गर्नु सहि हो ?

उत्तरः ती शक्तिहरुले हाम्रो दिमागलाई अचम्मित पार्ने भएतापनि एकदिनसबै नष्ट  हुनेछन र तिनीहरुलाई नियन्त्रणमा लिन सकिन्छ (जबकि ईश्वरलाई नियन्त्रणमा लिन सकिदैन) । सूर्य रातिमा उज्यालो दिन असक्षम छ । अनुसन्धानकर्ताहरु यो भन्छन् कि एउटा समय यस्तो आउँछ कि यो सूर्य टुटेर टुक्रा–टुक्रा हुन्छ ।



विज्ञानले यो पनि भन्छ कि चन्द्रमा र ताराहरु नष्ट हुनेछन् । आगो र हावालाई पनिनियन्त्रणमा लिन सकिन्छ तर आन्तरिक्ष जस्ता केहि यस्ता ठाउँहरु पनि छन् जहाँ हावा र आगो पनि शक्तिहीन हुन जान्छन् । अर्थात यी प्राकृतिक वस्तुहरु शाक्तिशाली भएतापनि नष्ट हुने र मानिसको नियन्त्रणमा आउन सक्ने छन् । तसर्थ यिनीहरु पूज्य हुन सक्दैनन् र न ईश्वर नै हुन सक्छन् । मानव मस्तिष्कलाई अचम्मित पार्ने प्रतिबिम्बहरुको पूजा शुरु गर्ने हो भने ईश्वरको संख्या करौडौं पुग्न जान्छ । हिन्दु धर्मको बारेमा भनिन्छ कि ३३करोड देवीदेवताहरु छन् । यदि यस संख्यालाई अंकमा लेख्ने हो भने मानिसलाई अचम्मित पार्न यहि नै काफी हुनेछ ।

के प्राकृतिक शक्तिहरु यति छन् जति मूर्तिहरुलाई यिनीहरुले पुज्ने गर्छन् ?  यस्तो अवश्य छैन । बरु विभिन्न किसिमका मानिसहरुले यी शक्तिहरुलाई आफ्नो कल्पना बमोजिम रुप दिएर तिनीहरुको पुजा गर्ने गर्छन् । त्यसैले मूर्तिहरुको संख्या पनि करौडौंभन्दा धेरै हुनपुग्छ । यसका साथै प्रत्येक मूर्तिका लागि यस्ता–यस्ता काल्पनिक कथाहरु व्यक्त गरिन्छ जुन मानवीय मस्तिष्कले स्वीकार गर्न सक्दैन । यस्ता असंख्य कथाहरु रचिएका छन् । उदाहरण स्वरुप, ग्रन्थहरुमा विशेष गरी एउटै ईश्वरको बारेमा उल्लेख गरिएको पाइन्छ तर पछि विभिन्न शक्तिहरुलाई ईश्वर बनाइयो। त्यसपछि जनावर, रुख, बिरुवा, चरा, नदिनाला जस्ता प्राकृतिक शक्तिहरुलाई पनि ईश्वर मान्न थालियो ।

पवित्र कुरआन एउटा यस्तो ईश्वरीय ग्रन्थ हो जसले मानिसहरुलाई मूर्तिपूजा जस्तो अन्धकारबाट निकालेर एकेश्वरवादको सुमार्गमा डोर्याउँछ । सन्देष्टा हजरत इब्राहीम (अलै.) को बारेमा कुरआनको भनाइ छ–

“र, स्मरण गर जब इब्राहीमले आफ्ना पिता आजरलाई भने– “के तपाई मूर्तिहरूलाई उपास्य बनाउनु हुन्छ ? म त तपाई र तपाईको समुदायका मानिसहरुलाई स्पष्ट पथभ्रष्टतामा देख्दैछु । र, इब्राहीमलाई यसरी हामीले पृथ्वी एवं आकाशहरूको राज्य–व्यवस्था देखायौं ताकि उनी आस्थावानहरू मध्येका बनून् । जब रात पर्यो उनले एउटा तारा देखे र भने– “यी मेरा स्वामी हुन् ।” अनि, जब त्यो अस्तायो तब उनले भने– “म अस्ताउने वस्तुलाई मन पराउँदिन ।” त्यसपछि उनले उज्यालो चन्द्रमा देखे र भने– “यी नै मेरा स्वामी हुन् ।” अनि, जब त्यो अस्तायो तब उनले भने– “मेरा पालनकर्ताले मलाई सत्मार्ग देखाएनन् भने म निश्चय नै पथभ्रष्टहरू मध्येको हुनेछु ।” तत्पश्चात् जब उनले सूर्यलाई प्रकाशमान देखे तब उनले भने– “यिनी मेरा स्वामी हुन् । यिनी त सबभन्दा ठूला रहेछन् ।” जब त्यो पनि अस्तायो तब उनले भने– “हे मेरा समुदायका दाजुभाइहरू हो ! मेरो त्यसमा कुनै सरोकार छैन जसलाई तिमीहरू साझेदार बनाउँछौ ।”(कुरआन ६ः७४–७९)

कैयौं ईश्वरहरुको पूजा गर्नेर प्राकृतिक शक्तिहरुलाई ईश्वर मान्ने मानिसहरु एकेश्वरवादमा आस्था राख्ने मानिसहरु भन्दा कसरी उत्तम हुन सक्छन् ।

के यिनीहरु वादविवादद्वारा यस कुरालाई प्रमाणित गर्न सक्छन कि ईश्वर अनेकौँ छन्, एक होइन ?

आफ्नो जीवनमा एक ईश्वरको पूजा गर्नेहरु भन्दा के अरु कुनै समुदाय छ जुन हरेक क्षेत्रमा सफल भएको होस् ?

के सूर्य, आगो, हावा जस्ता सृष्टिहरुले आफ्नो पूजा गर्नेहरुलाई कुनै विशेष किसीमको प्रकाश, हावा र घाम दिन्छन्? यिनीहरु गाई र अरु जनावरहरुको पूजा गर्छन्, के तिनीहरुलाई उनीहरुले कुनै विशेष कुरा प्रदान गर्छन् जुन अरुलाई दिदैनन् ? यस्तो त अवश्य छैन । यस कारण जुन मानिसहरु एक अल्लाहलाई छोडेर अन्य ईश्वरहरुको पूजा गर्दछन्, तिनीहरु कमजोर सृष्टिहरुलाई नै आफ्नो ईश्वर र संरक्षक मानेर पूजा गरिरहेका छन् । पवित्र कुरआन यसलाई एउटा उदाहरण पेशगर्दै बुझाउने प्रयास गरेको छ– “अल्लाहलाई छोडी अरूलाई संरक्षक–मित्र बनाउनेहरूको उदाहरण एउटा माकुरोजस्तो छ जसले आफ्नो एउटा घर बनाउँछ र सबभन्दा कमजोर घर माकुराको नै हुन्छ । यिनीहरूले यो तथ्य बुझेको भए !” (कुरआन २९ः४१)

त्यसैले संसारिक शक्तिहरुलाई ईश्वर मानेर त्यसको पूजा गर्नु न्यायसंगत छैन किनभने ती सबैकमजोर र नष्ट हुनेछन् ।

कुरआनको नेपाली अनुवाद सुन्न चाहनु हुन्छ क्लिक गर्नुहोस

 



DiscoverIslamNp

DiscoverIslamNP is specifically for Islamic education. The best way to provide authentic Islamic education through DiscoverIslamNP is to adapt to the will of Islam. The main goal of this site is to quench the thirst for Islamic knowledge and offer the right solution to various religious Problems.

Leave a Reply